Thoès
Welkom op de website van JK Dreej Daag Um!
Al sinds ût jaor 2000 laupe weej as vrindegroep meij in de Venloose optoch. Toen nog as beejeingerap zooijtje ongeregeld met "pakke" die in ein oor ineingeflans woorte. Met de jaore woord de groep groëter en de aanpak serieuzer. Tièdes de vastelaovend in ut jaor 2004 woord ût ideej oètgespraoke ein Joekskepèl te beginne. D'r waar gelièk genôg enthousiasme um met ein voltallige kepèl aan de slaag te gaon. Ût koper en de velle woorte aangeschaf en in mei 2004 woord Joekskepèl Dreej Daag Um gebaore. Netuùrlik hadde weej gèn idee waat ôs te wachte stond en waas der auk neejmus dae al ens ein instrument had vasgehad, laot staon noeëte kôs laeze. We wiste van toete noch blaoze.
Nao ein tièdje aangemoddert te hebben vonde weej begeleiding en vanaaf toen ging ût flink bergopwaarts. Sinds augustus 2008 hebbe weej ein nieje lièrmeister: de waal zièr muzikale Leon Xhofleer. Onder zien begeleiding tummere we flink aan de waeg en haope weej ôg idder jaor weer van schoëne klanke te veurzeen veur en tièdes ôzze schitterende Venloose vastelaovend.
Neet allein muzikaal zien we der op veuroètgegaon: auk hebbe weej sinds 2008 de beschikking euver eine nieje optochwaage. We kochte unne aaftandse DAF-brandweerwage oèt 1967, dae weej in ein jaor tièd hebbe opgeknap. Geej zult um vas taegekômme in ein van de diverse groeët-Venloose optochte wao-in weej acte de presence gaeve.
